వెన్నెముక లేని వానపాములు

వెన్నెముక లేని వానపాములు
కోరలు చాచి బుసలు కొడుతున్నయ్
ఉనికిని కాపాడుకొనేందుకు నేడవి
ఉద్యమంపై విషం గ్రక్కుతున్నయ్!!

చీమూ నెత్తురు కుళ్ళిన జీవులు
తామూ చస్తామంటున్నాయి!!
చచ్చిన శవాలు చచ్చేదెలాగ?
సవాల్లు ఎందుకు దండగ మీకిక?

ప్రజలంతా ఛీకొడుతుంటే
వెంటపడి తరుముతు ఉంటే
ఊరికి పోయే ధమ్మే లేదే,
ఇంకా ఎవరిని మోసం చేస్తరు?

కన్నూ కన్నూ పొడుచుకొమ్మనే
సిద్ధాంతంలో నీతి ఎక్కడిది?
పూటల్లోనే మాటలు మార్చే
మనుషుల మాటకు విలువెక్కడిది?

ఆత్మ వంచనలు మానండి
బానిస బతుకులు చాలించండి!
మోసపు నేతను ఎదిరించండి,
ఉద్యమంలో భాగం కండి.

(on Jan 6, 2012)