బాహుబలి, భలిరభలి

ఆటవెలది:
కోట్లు ఖర్చుబెట్టి, గొప్ప గ్రాఫిక్స్ పెట్టి,
రంగు బొమ్మలన్ని రంగరించి,
మార్కెటింగుతోటి మాయ లెన్నొ జేసి,
ఆడియన్సు యొక్క నాడి జూసి

ఇంగిలీసు సినిమ లెందరో తీయగా
తస్కరించి, తెలుగు తనము కలిపి
చందమామ కథను అందముగ తీస్తివి!
భళిర రాజమౌళి, బాగు బాగు!!

కథను తరచి చూడ యెతమతమయ్యేను,
లేదు తర్కమెచట, సోది తప్ప!
ఫైటు సీనులెల్ల పిల్ల చేష్టల పోలె
హైపు ఎక్కవాయె, కైపుకన్న!!⁠⁠⁠⁠

చెట్టు లేని చోట చిలుకాంస చెట్టునే
పెద్ద చెట్టు యనుచు పిలిచినట్లు
ఇంత గొప్ప సినిమ ఇంకెవరు తీయరని
డప్పు కొట్టు జనము తప్పు లేదు!!

(On Bahubali movie, written on May 26 2017)