నాలుగు మెతుకులు

 

నీకడుపుకు నాలుగు మెతుకులు దొరకక

నీపేగులు మెలిపడుతుంటే

నీ మతం ప్రమాదంలో పడిందని

వాడెవడైనా అంటున్నప్పుడు

నీకు చేయడానికి పని దొరకక

అలో లక్ష్మణా అని అలమటిస్తుంటే

నీకు వాడు నేషనలిజం

నూరిపోస్తున్నప్పుడు

నువ్వు కోవిడ్ కోరల్లో నలిగి

ఆక్సిజన్‌కోసం అల్లాడుతుంటే

లవ్‌జిహాద్, గోరక్షణల

పాఠాలు చెబుతున్నప్పుడు

నీ దేశ సంపదను కార్పొరేట్లకు

అప్పనంగా పంచిపెట్టి

అది బయటపడితే

ఇదంతా విదేశాల కుట్ర అన్నప్పుడు

వాడి నీతులు కాదు అర్ధం కావలిసింది

వాడెందుకు చెబుతుండు,

దీంతో వాడి లాభనష్టాలేంటి

అన్న లోతులు

Thursday, October 5, 2023 at 8:22 AM