పందెం కోళ్లు

 రెండుకోళ్లు కలెపడినయి యుద్ధంలో సైనికులలా భీకరంగా పొడుచుకున్నయి రక్తాలు కారేలా గీరుకున్నయి

ఓడిన పుంజు

వీరుడిలా నేలకొరిగింది

గెలిచింది ఛాతీ ఎత్తి నిలుచుంది

రక్తం కారుతున్నా

గెలిచిన అసామీ

మీసం మెలేశాడు గర్వంగా

డబ్బులు భద్రంగా దాచుకుని

ప్రేమగా కోడితలనిమిరాడు

తీరిగ్గా పులావు చేసుకుండు

చిత్రం, రెండుకోళ్లకూ తెలవదు

తామెందుకు కొట్టుకున్నాయో

తమ ధర్మం నిర్వర్తించినయి

సామ్రాజ్యాల పోరులో సమిధల్లా

Sunday, January 15, 2023 at 10:21 AM