ఓటుకోసం నోటునిస్తివి

ఓటుకోసం నోటునిస్తివి,
అడ్డగోలుగ ఇరుక్కుంటివి!
డొంకతిరుగుడు మాటలేలా?
చెప్పవోయీ చంద్రబాబూ!!

ఫోను గొంతు ఎవరిదంటే
సమాధానం దాటవేస్తివి,
దొరికిపోయిన దొంగనింకా
సస్పెండూ చేయవైతివి!!

సమాధానం చెప్పమంటే
వాటయాం సేయింగనంటూ
ఎదురుప్రశ్నలతోటి నువ్వు
ఎంతకాలం బెదరగొడతవు?

ఎదురు దాడే ఆయుధమ్ముగ
ఫోను ట్యాపింగ్ జరిగెనంటూ
ఢిల్లి చుట్టు ఎంత తిరిగిన
ఫలితమేమీ లేకపాయెను!!

తప్పు జేస్తూ నీవు దొరికితె
శిక్ష పడక తప్పనప్పుడు
ప్రజలమధ్యన మంట పెడుతూ
రెచ్చగొట్టే మాటలెందుకు?

ఎంతపెద్ద దొంగ అయినా
ఎన్నడొ ఒకనాడు దొరుకును,
తప్పునీదని ఒప్పుకోవోయ్,
తప్పుకోవోయ్ పదవి నుంచీ!!

(on June 24 2015)